Ish-deputeti i Partisë Socialiste Koço Kokëdhima nuk ka mohuar zërat mediatik për sherrin mes tij dhe Kryeministrit Edi Rama.
I ftuar në festën e 25-vjetorit të PS, Kokëdhima dha një prononcim të shkurtër për gazetaren e News24. Gjatë pyetjes direkte nëse ka mosmarrëveshjes mes tij dhe Ramës, Kokëdhima nuk mohoi këtë fakt, por bëri thirrje mos merren me thashetheme dhe u largua i revoltuar nga transmetimi live.
“Le të mos merremi me spekulime, me intriga, me thashetheme. Sonte jam këtu për të përcjell urimin”, tha Kokëdhima dhe u largua duke mos preferuar që të vazhdonte intervistën e tij.
Ai shprehu edhe urimet për simpatizantët e Partisë Socialiste dhe theksoi se ende ndihet deputet, edhe pse nuk është më një i tillë.
“I uroj gëzuar dhe për shumë vjet të gjithë socialistëve. Dua të uroj gjithë kontributorët ndër vite. Shumica prej tyre nuk kanë marrë mbrapsht ndonjë përfitim personal. Në këtë moment, mendja na shkon tek të gjithë këta mbështetës të PS që janë njerëzit e thejshtë, ata që s’kanë emër. Koço Kokëdhma ndihet shumë i gëzuar sikur të jetë deputet. Ai është pranë të tjerëve”, u shpreh ish-deputeti socialist.
