Ministri i Drejtesisë, Ylli Manjani ka deklaruar se zv. Drejtori i Burgjeve i arrestuar pasditen e sotme do të përballet me drejtësinë si qytetar i thjeshtë, pasi është kërkuar shkarkimi i tij.
Përmes një njoftimi të shkurtër për shtyp, Manjani thekson se Ministria e Drejtësisë ka kërkuar shkarkimin e menjëhershëm të zv/drejtorit të arrestuar.
Madje theksohet se Drejtoria e Burgjeve kishte kohë që kishte nisur procedurat për largimin e Labit nga shërbimi civil.
“T’i provojë akuzat ndaj tij para drejtësisë si qytetar i çliruar nga funksionet publike”, thotë ministri.
Zv.Drejtori i Përgjithshëm i Burgjeve, Iljaz Labi si dhe 4 pronarë të kompanive private janë arrestuar sot me akuzën për korrupsion në tenderat për ushqime.
Korrupsion me tenderat për ushqime, arrestohet Zv.drejtori i Burgjeve dhe 4 biznesmenë
