Një aksident ka ndodhur në Commessaggio, në Itali ku udhëtonte një familje shqiptare.
Automjeti tip “Audi A4” ku ata ishin ka dalë nga rruga dhe ka përfunduar në kanal, ndërsa të plagosur kanë mbetur dy gjyshërit, nipi i tyre 3-vjeçar dhe mbesa 5 vjeçe.
Të gjithë të plagosurit janë në gjendje të rëndë, ndërsa djali 3-vjeçar rrezikon jetën. Familja, me origjinë shqiptare, jeton në Legnago Bovolone në krahinën e Verona.
Fillimisht kanë qenë banorët e zonës ata që kanë nxjerrë gjyshin nga makina, dhe më pas ky i fundit ka nxjerrë dy fëmijët. Është dashur ndërhyrja e forcave zjarrfikëse për të nxjerrë gruan nga automjeti.
Nga hetimet e para dyshohet se një humbje kontrolli, ka nxjerrë makinën nga rruga (kthesë) duke përfunduar në kanal.
