Ngushtimi i rrugës përgjatë lungomares në Vlorë ka shkaktuar një trafik të rënduar. Pushuesit këtë ditë të diele që i janë drejtuar bregdetit të jugut ku janë përballur me tmerrin e trafikut pasi rruga në Vlorë nga katër korsi është kthyer në dy korsi. Ngushtimi i korsisë vjen nga projekti i “Lungomares” ku një pjesë e gjerë betoni ndan korsitë.
Në orët e pikut policia e devijon trafikun, duke i bërë të dyja korsitë në një sens lëvizje, në drejtim të Ujit të Ftohtë. Në sensin e kundërt makinat detyrohen të bëjnë unazën që ka shërbyer edhe gjatë kohës së punimeve fillestare për ndërtimin e shëtitores. Por as kjo “gjetje” nuk e shmang trafikun. Projekti fillestar i “Lungomare” mundësonte një rrugë me 4 korsi, por ndryshimi i tij ka sjellë një situatë kaotike në qytetin e Vlorës.
