Futbollisti i kombëtares shqiptare, Armando Sadiku pas golit të tij historic në “Euro 2016” po shijon pushimet në Ibiza.
Ai ka zgjedhur një nga plazhet më bukura të Ibizës për t’u çlodhur.
Fillimisht, heroi i Europianit të Shqipërisë në Francë, golashënuesi Armando Sadiku, zgjodhi jugun e vendit për të pushuar pas ditëve të mbushura me stërvitje e ndeshje në “Euro 2016”.
Në rrjetet sociale, futbollisti nga Elbasani ka postuar edhe foto nga momentet e pushimit në Ibiza dhe Dhërmi, duke përshëndetur miqtë e tij.
Sadiku shënoi golin e vetëm të Shqipërisë në “Euro 2016”, duke i dhënë fitoren ndaj Rumanisë dhe vendin e tretë në grupin A. Me këtë edhe 1 milion euro për pjesëmarrjen e parë historike të kuqezinjve në një garë të madhe të futbollit.
