Një sasi cigaresh kontrabandë të markave “Trokadero” dhe “Ronson” u sekuestruan nga njësia e Antikontrabandës dhe Drejtoria e Hetimit në Doganën e Qafë Morinës.
Këta të fundit zbuluan mbrëmjen e së enjtes mallin kontrabansë në një furgon që transportonte mallra nga Kosova në Shqipëri.
Për pasojë u ndaluan poseduesi i mallit, shtetasi E.K, për veprën penale “Kontrabandë me mallra që paguhet akcizë”, si dhe doganieri Bilbil Çuni për “Shpërdorim detyre”.
Malli kontrabandë u gjet pas një kontrolli në furgonin me targë AA967MG nga ku u konstatua sasia e cigareve të padeklaruara nga ky shtetas tek autoritetet doganore në Qafë Morinë.
