Gjermania, Holanda, Belgjika dhe vende të tjera të BE -së kanë përfshirë Shqipërinë në vendet e origjinës së sigurt. Mirëpo, Parlamenti Evropian ka refuzuar një gjë të tillë.
Emigrantët nga këto vende që kërkojnë azil kanë shumë pak mundësi që të marrin azil pasi prezopuzohet që në vendin e tyre nuk ka persekutim politik dhe dënime jo humane.
Komisioni për Punët e Brendshme të Parlamentit Evropian ka votuar të enjten që lista e vendeve të origjinës së sigurt të miratuar nga parlamentet e vendeve të BE¬së duhet të ndahet në një fazë tre vjeçare deri në miratimin e saj. Pavarësisht se Komisioni Evropian propozoi në shtator që Turqia, Shqipëria, Bosnja, Maqedonia, Kosova, Mali i Zi dhe Serbia të përfshihen në këtë listë, PE thotë se duhet pritur opinioni i ekspertëve të Zyrës së Azilit që do të shqyrtojnë situatën në këto vende. Deri atëherë, do të diskutohet me vendet e BE¬së që të ketë një listë të përbashkët të vendeve të origjinës së sigurt ose këto vende do të vendosi vetë për listën.
