UEFA ka vendosur që të kalojë Partizanin në Ligën e Kampioneve pas dënimit të Skënderbeut.
Ndryshimi i bujshëm vjen vetë nga UEFA përmes një njoftimi zyrtar, ku thotë se skuadra e Partizanit do të zëvendësojë në UEFA Skënderbeun e përjashtuar për një vit, pas akuzave për trukim rezultati, shkruan Panorama.
Vendimi i UEFA-s është marrë pas atij të KASit, që përjashtoi Skënderbeun. Fillimisht u mendua se Partizani do të vazhdonte në Europa League, ndërsa Ferencvarosh do të kalonte në turin tjetër.
Por në fakt, do të jetë Partizani që do të luajë me Ferencvarosh dhe ndeshja e kthimit në Europa League do të anulohet.
“Pas vendimit të KASit për përjashtimin e Skënderbeut nga sezoni 2016/17 i Ligës së Kampionëve, UEFA vendosi sot që Skënderbeu të zëvendësohet në këtë kompeticion nga Partizani, që e mbylli kampionatin vendas 2015/16 në vendin e dytë. Për pasojë, ndeshja e dytë e vlefshme për turin e parë kualifikues për në Ligën e Europës mes Partizanit dhe Slovan Bratislava do të anulohet”, shkruan njoftimi.
Kështu, Partizani do të luajë me Ferencvarosh në 12 ose 13 korrik
