Botërori ‘Rusi 2018’ pritet të hyjë në histori pasi do të jetë shumë i shtrenjtë krahasuar me eventet e tjera organizuar vitet e fundit.
FIFA ka publikuar çmimet e biletave për ndeshjet e Kupës së Botës 2018 dhe që tani ka polemika pasi shifrat arrijnë në stratosferë gati 16% më shtrenjt se ‘Brasil 2014’ apo ‘Francë 2016’.
Bileta më e lirë për tifozët jo rusë do të kushtojë 105 dollarë dhe më e shtrenjta rreth 1.100 dollarë.
Të avantazhuar tifozët vendas, që do të mund të blejnë bileta për më pak se 20 dollarë copa.
Duke pasur parasysh çmimet, largësinë dhe frikën që ngjallin huliganët rusë, çmime kaq të larta mund të detyrojnë shumë tifozë të heqin dorë nga udhëtimi për në Rusi.
