Një nga imazhet më të bukura të Europianit ka qenë vrapimi në fushë i sulmuesit të Uellsit, Gareth Bale, i cili po përpiqej të kapte vajzën e tij, që po shkonte drejt portës në stadiumin e Parisit.
Një moment gëzimi për të dy që është shoqëruar edhe me thirrjen “Ole” nga tifozët uellsianë, ndërsa babai ka përqafuar vajzën 3 vjeç Alba Violet, pasi e ka ndjekur për 50 metra. Por komiteti organizator i Europianit ka vendosur që t’ia ndalojë këtë lloj festimi lojtarëve, të cilët nuk do të kenë më mundësinë të fusin në fushë fëmijët e tyre pas ndeshjeve.
“Nuk jemi aspak kundër këtij momenti gëzimi në fushë, por kjo masë është marrë për të garantuar sigurinë e atyre që janë në fushën e lojës”, ka thënë drejtori i Euro 2016, Martin Kallen.
