Vajza e kandidatit republikan për president të SHBA – së, Donald Trump, Ivanka Trump, ka thënë që babai i saj është feminist.
34 vjeçarja në një intervistë për Sunday Times, ka thënë se pavarësisht të gjitha kritikave që babai i saj i ka bërë për gratë, ai është një njeri që dëshiron të drejtat e barabarta.
“Njerëzit flasin për barazi gjinore e ai e ka jetuar këtë gjë. Ai ka nivel shumë të lartë të punonjësve në Organizatën Trump tash e disa dekada, dhe mendoj që kjo është një testament për atë se si ai i ka parë gratë gjatë gjithë jetës së tij”.
“Babai im është një feminist dhe ai është arsyeja kryesore pse unë jam kjo që jam sot”, është shprehur Ivanka Trumo.
70 vjeçari është kritikuar shumë për komentet e tij rreth grave që kur filloi garën e tij për në Shtëpinë e Bardhë.
