Nga Ryan Grim
Në prillin e kaluar, Michelle Goldberg i gazetës “Slate”, i ofroi fushatës së Hillary Clinton një këshillë të zgjuar: “Hiqeni nga puna Bill Clinton-in.”
Por shtabi i fushatës së Clinton nuk e dëgjoi sugjerimin, por ndoshta tani duhet ta rimendojnë.
Edhe pse Bill Clinton është një nga politikanët më të talentuar të shekullit të kaluar, kur i lë punët e veta në duart e të tjerëve, gjërat nuk shkojnë dhe aq mirë.
Të hënën, Clinton ishte në një pistë në Feniks, kur mori vesh se Prokurorja e Përgjithshme Loretta Luynch, do të mbërrinte së shpejti te po e njëjta pistë. E vonoi fluturimin e vet për ta takuar. Ai i kërkoi një takim, hypi në avionin e saj, dhe biseduan për afro 30 minuta.
Të premten, kur u pyet nga Gazetari i kanalit “MSNBC”, Johnathan Capehart, nëse ka pasur diçka që do të dëshironte ish-prokurori i përgjithshëm t’i kishte thënë para se të dorëzonte zyrën, prokurorja Lynch tha: “Ku është çelësi i derës së avionit .”
Normalisht që i duhej ta evitonte Clinton-in, pasi FBI është thuajse në fund të investigimit të tyre mbi Hillary Clinton për përdorimin e një serveri privat, jo të sigurt për email-et zyrtare si Sekretare e Shtetit. Sado i tepërt të jetë investigimi, ai ekziston, dhe prokurorja Lynch ka autoritet të plotë mbi vendosjen apo jo të një padie ndaj zonjës Clinton. Takimi me Billin e korrupton procesin dhe hedh dyshime mbi integritetin e investigimit.
Nga ana tjetër, Republikanët po kërkojnë një prokuror të pavarur, i cili është i pasur: Ken Starr.
Takimi Clinton-Lynch s’duhej bërë dhe Demokratët do të ishin kundërvënë ashpër nëse një gjë e tillë ndodhte me ndonjë Republikan. Kjo na jep dy perspektiva: ose Bill Clinton është një idiot, ose do që bashkëshortja e tij të humbasë.
“Pyes veten nëse Bill Clinton thellë-thellë, s’do që Hillary të bëhet presidente, sidomos nëse do t’i duhet ta distancojë veten nga ç’ka bëri e la pas burri i saj kur kishte vetë pushtetin,” ka pas thënë Goldberg që në Prill. “Si ndryshe mund të shpjegohet fakti që një nga politikanët më të talentuar dhe të zhdërvjellët, të jetë kaq i ngathët dhe shkatërrues kur vjen puna për të përkrahur bashkëshorten e vetë.
Lynch ka thënë se u pendua që u ul me Clinton-in. Por çfarëdo vendim të marri Departamenti i Drejtësisë, tashmë do të jetë një vendim i mbuluar me dyshime.
Dhe ndoshta dëmi më i madh i u bë Lynch-it. Nuk është e lehtë të refuzosh një takim me një ish-president, bashkëshortja e të cilit mund të jetë presidentja e ardhshme, sidomos nëse ke edhe ambicie dhe qëllime politike të tjera në një të ardhme.
Mos ka pasur aspirata për në Gjykatën e Lartë? Nëse po, atëherë Clinton-i sapo i shkatërroi atë pak shans që mund të ketë pas. E për çfarë?
