Policia e Athinës ka goditur grupin më të madh kriminal të vjedhjeve e grabitjeve të banesave në kryeqytetin grek.
Plot 150 persona janë anëtarë të organizatës kriminale, nga të cilët janë arrestuar vetëm 30 dhe 125 të tjerë janë identifikuar dhe janë shpallur në kërkim. Të arrestuarit deri tani janë 25 gjeorgjianë, 4 shqiptarë dhe 1 bullgar.
Pjesëtarët e bandës akuzohen për organizatë kriminale, vjedhje e plaçkitje. Banda prej 150 personash ishte e ndarë dhe funksiononte në grupe të vogla. Detyra ishin të ndara specifikisht.
Disa grupe vidhnin banesa, të tjerat merreshin me shitjen e mallrave të vjedhura. Njëri prej drejtuesve të bandës është në mesin e të arrestuarve. Nga llogaritjet e para, organizata kriminale ka qarkulluar shuma parash deri në 2 milionë Euro.
