Ish-kryeministri Sali Berisha ka deklaruar sot se ka prova të pakundërshtueshme se Edi Rama është ‘shtetasi nr.2’ i përmendur në deklaratat e taksistit Bilal Shehu si njeriu që pagoi 80 mijë euro për fushatën e Obamës, vetëm që të dilte foto me të.
Madje Berisha thotë më tej se Rama dhe Bilali kanë falsifikuar dokumentet dhe kanë hyrë si çift gay i martuar në event. Pas mohimi që kryeministri Rama i bëri deklaratave të taksistit, sipas Berishës, të afërm të tij kanë thënë se Bilali do t’i kërkojë gjykatësit ballafaqimin me Ramën në sallën e gjyqit.
DEKLARATA E BERISHËS
Ndërlikohet edhe më thellë implikimi i Ramës në skandalin Bilalgate!
Të dashur miq, Edi Rama mohoi se shtetasi i huaj nr.2 në deponimin e Bilal Shehut në dosjen e FBI është pikërisht Edvin Kristaq Rama. Por burime shumë të sigurta më konfirmojnë se shtetasi nr.2 për të cilin është pyetur Bilal Shehu nga hetuesi i mirënjohur i FBI është 100% Edi Rama.
Këtë jo vetëm ka dëshmuar me fakte hetuesit të tij vet i pandehuri Bilal por kjo është faktuar dhe nga prova të pakundërshtueshme nga hetuesit e FBI, të cilët dinë tashme çdo detaj të dhunimit të ligjit elektoral amerikan nga Edi Rama duke përdorur për kryerjen e veprës penale taksistin Bilal Shehu, shtetas amerikan që me 80 mijë dollarë të Ramës me origjinë shumë të dyshimtë. Bilali dhe Rama me qëllim kanë falsifikuar dokumente të gjendjes civile dhe janë paraqitur si çift gay të martuar në mënyrë që të bënin të mundur futjen e Ramës në event për të bërë foton edhe pse ishte shtetas i huaj.
Në ligjin amerikan falsifikimi i dokumenteve të gjendjes civile përbën një vepër penale jo të lehtë. Me mohimin që i ka bërë Rama dhënies së 80 mijë dollarëve Bilalit, të afërm të këtij të fundit dhe avokati i tij pohojnë se pritet që Bilali t’i kërkojë gjykatësit ballafaqimin me Ramën në sallën e gjyqit! sb
