Kryeministri Edi Rama ka pranuar ftesën e kreut të PBDNJ-së Vangjel Dule për të marrë pjesë sot në kongresin e kësaj force politike.
Në kongres do të prezantohet programi politik. Prej kohësh marrëdhëniet mes shefit të mazhorancës dhe aleatit minoritar kanë qenë të tensionuara për shkak të futjes së PDIU-së në koalicionin qeverisës, partisë që lufton për të drejtat e çamëve.
Për këtë shkak Dule dha dhe dorëheqjen nga posti i nënkryetarit të Kuvendit të cilin aktualisht e mban Shpëtim Idrizi i PDIU-së.
Më herët, Vangjel Dule ishte takuar me kryedemokratin Basha, pas takimit me të cilin ai ishte shprehur se, ende nuk e kishte vendosur se në cilin koalicion do të bëjë pjesë.
