Krimineli shqiptar Saliman Barçi, 41 vjeç, mund të ekstradohet në Shqipëri për të vuajtur dënimin me burg të përjetshëm.
Ditën e sotme një gjykatë britanike ka vendosur që Barçi të ekstradohet në Shqipëri për të shlyer dënimin e dhënë për vrasjen e Përparim Ibrahimi dhe Artur Gjoka në 18 korrik 1997.
Barçi tërboi gjithë britanikët pasi prej 14 vitesh merrte asistencë sociale në Britani ndërkohë që në vendin e tij kërkohet për vrasje.
Pas vrasjes në 1997, Barçi shkoi në Britaninë e Madhe me dokumente kosovare. Ai përdorte pseudonimin Saimir Basha.
Kur u pyet se si e mori azilin, Barçi tha “Si gjithë shqiptarët, deklarova se jam nga Kosova”.
