51 të dënuar në burgun e Peqinit janë besimtarë myslimanë që agjerojnë, ndaj dhe Drejtoria e Përgjithshme e Burgjeve në bashkëpunim me Komitetin Mysliman Shqiptar do t’u shtrojë “iftar”në kuadër të muajit të Ramazanit.
Sipas Ministrisë së Drejtësi, qëllimi është promovimi i marrëveshjes së bashkëpunimit ndërmjet këtyre dy institucioneve, i cili synon forcimin e bashkëpunimit për promovimin e vlerave të vërteta të Islamit në sistemin e burgjeve.
Në këtë aktivitet do të marrin pjesë Drejtori i Përgjithshëm i Burgjeve z. Artur Zoto, Kryetar i Komitetit Mysliman Shqiptar z. Skënder Bruçaj, si edhe zyrtarë të tjerë të lartë të dy institucioneve.
Ky aktivitet është në vijim të aktiviteteve të organizuara nga I.E.V.P, në respekt të besimtareve dhe të besimit të tyre dhe forcës që ata gjejnë për të përballur mungesën e lirisë përmes besimit dhe vlerave që përcjell feja.
