Një udhëheqës mysliman fetar Mücahid Cihad Han tha se burrat të cilët masturbojnë “në botën tjetër, dora e tyre do të mbetet shtatzënë “, – raporton gazeta turke Hurriyet Daily News.
Han, i cili ka një emision televiziv në të cilin jep këshilla, është përgjigjur në një pyetje të një shikuesi, i cili i kishte thënë se është i martuar, por gjithsesi masturbon. Madje ka thënë se ka masturbuar edhe gjatë pelegrinazhit në Mekë.
Me këtë rast, Han i ka thënë shikuesit që masturbimi është i ndaluar dhe se ai duhet ti rezistojë djallit. Këshillat kanë shkaktuar kritika.
Nuk ka udhëzime të qarta lidhur me masturbimin – disa udhëheqës fetarë myslimanë thonë se ai është i lejuar nëse parandalon raportet seksuale paramartesore. Disa të tjerë nuk përdorin fjalë “i ndaluar”, por “jo i pëlqyeshëm”.
