Ministria e Punëve të Jashtme ka vënë në dispozicion një numër kontakti për të gjithë shtetasit shqiptarë që kërkojnë të dinë për gjëndjen shëndetësore të të afërmeve të tyre në Stamboll.
Kjo ministri ka reaguar duke dënuar sulmin kamikaz në Stamboll që shkaktoi të paktën 36 viktima në aeroportin “Ataturk”.
“Shprehim ngushëllimet më të ndjera për familjarët e viktimave dhe Qeverinë turke, si dhe solidaritet me Turqinë mike dhe vendosmëri për të qenë së bashku në luftën kundër terrorizmit dhe ekstremizimit të dhunshëm.
MPJ informon shtetasit shqiptarë se shërbimi konsullor i kësaj ministrie ka vënë në dispozicion adresën elektronike [email protected] dhe numrat e telefonit +355699826678 dhe 08000022 për të asistuar të gjithë ata shtetas, të afërmit e të cilëve ndodhen në Stamboll”, thuhet në një njoftim të Ministrisë së Jashtme.
