Ka kaluar një ditë nga vrasja e 33-vjeçarit Ariton Shaskaj në Velletrit të Italisë, i cili u ekzekutua me stil mafioz me tre plumba pas kurrizit.
Policia italiane vazhdon hetimet për ngjarjen e rëndë dhe për identifikimin e vrasësve. Autori ishte me skuter dhe thirri në emër viktimën para se ta qëllonte. Kanë qenë dy persona me motor, të cilët kryenë atentatin.
Shqiptari i cili njihej edhe me emrin Tony kishte një piceri në zonën ku u vra. Mediat vendase aludojnë se krimi mund të jetë bërë për shkak të lokalit, që ndodhet në një zonë ku biznesi i paligjshëm i makinetave të fatit dhe drogës, kontrollohet nga Ndragheta.
Policia italiane thotë se shqiptari nuk kishte asnjë precedent penal, kurse nga banorët e zonës ai njihej si person paqësor dhe jo problematik.
