Update/ Të paktën 10 persona kanë mbetur të vrarë dhe rreth 60 të tjerë janë plagosur nga një sulm terrorist në aeroportin e Stambollit.
Ministri i Drejtësisë, Bekir Bozdag ka bërë të ditur për CNN se dhe dy terroristët që kanë kryer sulmin kanë hedhur veten në erë.
Dy shpërthime të fuqishme dhe të shtëna me armë kanë tronditur të martën në mbrëmje aeroportin e Stambollit. Sipas agjencisë turke të lajmeve “Dogan”, bëhet fjalë për një sulm terrorist, i cili ka ndodhur në dy vende të ndryshme në aeroport. Një prej terroristëve ishte i armatosur me kallashnikov, i cili pas të shtënave ka hedhur veten në erë.
Raportohet se në vendin e shpërthimit janë parë shumë trupa pa shenja jete. Ndërsa mes të plagosurve janë dhe disa oficerë policie. Ndërkohë ministri i Drejtësisë, Bekir Bozdag ka deklaruar gjatë fjalës në Parlament se kanë humbur jetën 10 persona dhe 20 të tjerë janë plagosur. “Reuters” raporton se dy terroristë hodhën veten në erë para se të hynte në makinë e kontrollit me rreze X. Aeroporti “Ataturk” është mbyllur plotësisht si për hyrje ashtu edhe për dalje.
https://www.youtube.com/watch?v=gOcgQhT1Xtw
