Nga Interpol Tirana u krye ekstradimi nga Frankfurt, Gjermani, drejt vendit tonë, i shtetasit shqiptar në kërkim ndërkombëtar Dritan Peksani, 26 vjeç, lindur në Shkodër, anëtar i bandës së Admir Tafilit.
Gjykata e Shkallës së Parë për Krimet e Rënda Tiranë me vendim Nr 343, datë 13.07.2015 ka caktuar ndaj këtij shtetasi masën e sigurisë “Arrest me burg”, për kryerjen e veprës penale të “Vrasjes me paramendim e kryer në bashkëpunim”, “Krijimit të grupit të strukturuar kriminal” dhe “Kryerje e veprave penale nga grupi i strukturuar kriminal”.
Përmbledhje e ngjarjes së ndodhur:
Më datën 25.06.2014 në qytetin e Shkodrës, shtetasi Dritan Peksani, dyshohet se në bashkëpunim me shtetasit A.T, K. P, dhe E. M, kanë vrarë shtetasin I. M.
Si rezultat i bashkëpunimit të Interpol Tirana më Interpol Wiesbaden, u bë i mundur arrestimi i tij në Gjermani, duke u finalizuar me ekstradimin e tij drejt vendit tonë.
