Qëndrimi i deputetit të Lëvizjes Socialiste për Integrim Përparim Spahiu se është kundër monitorimit të vetingut nga ndërkombëtarët, ka shkaktuar reagime në radhët e kësaj partie.
Burime nga LSI e kanë cilësuar deklaratën e Spahiut tërësisht personale, duke shprehur distancim të plotë. Ndërsa shpehen se javën tjetër do të mblidhet grupi parlamentar i Lëvizjes Socialiste për Integrim për të vendosur mbi qëndrimin që do të mbahet ndaj deputetit dibran.
Madje ato paralajmëruan se mund të shkohet deri përjashtim të Përparim Spahiut. Situata duket se është tensionuar pas dy statuseve të njëpasnjëshme në Twitër të Spahiut, i cili shpreh qëndrimin kundër monotrimit të procesit të vetingut nga ndërkombëtarët.
“E kuptoj dhe jam dakord që sovranitetin e vendit tonë të përbashkët duhet ta ndajmë me NATO, me KE, shpresoj dhe me BE. Por nuk jam gati të votoj ndarjen e sovranitetit me Operacionin Ndërkombëtar të Monitorimit.Çfarë përfaqësojnë këta?!”, shkruan në Twitter deputeti i LSI, Përparim Spahiu.
