Përveç komenteve mbi performancat dhe çmimet e ndara dje në “Top Music Awards”, një gjë tjetër që tërhoqi vëmendjen e publikut dhe portaleve online ishte një “konflikt në distancë” mes Ledion Liços dhe këngëtarit Noizy, pasi Ledioni thumboi këtë të fundit gjatë nisjes së eventit, ndërkohë që Noizy nuk e la me kaq duke ofenduar Liçon në një postim në Instagram.
Në përfundim të eventit t i pyetur nga Blitz.al ne se çfarë komenti ka për postimin e Noizyt që po qarkullonte kudo nëpër rrjete sociale, Liço u përgjigj: “Nuk kam asnjë koment për këtë. Njerëzit janë të lirë në faqet e tyre në Instagram apo Facebook…”.
Ndërkohë, pyetjes se pse mund të ketë reaguar Noizy në këtë mënyrë, Ledioni iu përgjigj: “Varet se si është ndierë në atë moment, por unë nuk kam asnjë marrëdhënie personale me artistët, i dua dhe i pëlqej si profesionistë për atë që bëjnë…”.
Ndërkohë, pas këtij reagimi kundrejt postimit të Noizyt, Ledion Liço premtoi se kjo është hera e fundit që “Top Music Awards” zhvillohet në një sallë kaq të vogël pasi shumë njerëz kanë mbetur jashtë pa pasur mundësinë të marrin bileta. Ai është shprehur se vitin e ardhshëm eventi do të realizohet në një sallë që të mbajë minimalisht 10.000 njerëz, sepse natën e djeshme, për arsye edhe të skenografisë, rreth 1500 persona patën mundësinë ta ndiqnin nga afër eventin.
