Policia e Korçës publikoi sot një informacion zyrtar ku thotë se ka arrestuar në flagrancë të riun Jurxhin Kulla, lindur dhe banues në këtë qytet.
Sipas policisë së qytetit të Korçës, i dyshuari Kulla u arrestua sepse kundërshtoi me dhunë forcat e policisë. Nga burime të policsë së Korçës, Noa mëson se gjithçka ka ndodhur mbrëmjen e së premtes, kur një ekip i seksionit antidrogë, i drejtuar nga shefi i antidrogës, Buis Hysi, ka kryer një kontroll për lëndët narkotike në qytetin e Korçës. Në versionin që policia jep, thuhet se në momentin kur forcat antidrogë kanë tentuar të ndalojnë për kontroll të riun, ky i fundit ka refuzuar dhe ka vrapuar për t’u larguar nga lokali ku ndodhej. Policët antidrogë me në krye shefin Hysi, e kanë ndjekur për ta kapur.
Policia i tha Noa-s se në këtë ndjekje ka pasur ushtrim dhune fizike nga i dyshuari në dretjim të shefit të antigrogës. Nga burime mediatike bëhet e ditur se refuzimi i Kullës për të ndaluar që t’i ushtrohej kontroll, ka ardhur për arsye se sipas tij, forcat e policisë nuk kishin asnjë shenjë dalluese të unifromës blu. Noa konfirmon nga burime të policsë së Korçës se forcat antidrogë me në krye shefin Buis Hysi, ishin pa uniformë për shkak se të tilla aksione, për të mos u dekonspiruar, i kryejnë pa shenja dalluese policore. Polica e Korçës ende nuk konfirmon nëse do të merret masë ndaj shefit të antidrogës, por shton se edhe ai ka dëmtime fizike pas këtij aksidenti.
