Kombëtarja shqiptare ka arritur dje në Atdhe.
Ceremoni zyrtare dhe pritje festive janë organizuar për nder të futbollistëve të kombëtares shqiptare, të cilët u kthyen në vend pas eliminimit nga Euro 2016.
Edhe një autobus i hapur ishte përgatitur për futbollistët kuqezinj. Por mesin e tyre ishte edhe një vogëlush, i cili ‘hidhej’ si top, sa në dorë të të atit sa në duar të lojtarëve.
Është fjala për Ayan Lilën, i cili është djali i mesfushorit shqiptar, Andi Lila.
Aktualisht futbollistët janë duke darkuar në shoqëri të dy kryeministrave, atij të Shqipërisë, Edi Rama dhe të Kosovës, Isa Mustafa. /Telegrafi/
