Çfarë ndodh pas vdekjes mbetet për shumë prej nesh një nga pyetjet që nuk ka gjetur ende përgjigje. Por, kohët e fundit, shkencëtarët kanë zbuluar se disa gjene mund ta zhvillojnë aktivitetin edhe disa ditë pas vdekjes.
Sipas tyre, më shumë se 1 mijë gjene janë aktive dhe pas vdekjes. Më shumë sesa për të kuptuar vdekjen, ky zbulim mund të ndikojë në përmirësimin e procesit të transplantit të organeve.
Për të kryer këtë studim, shkencëtarët e Universitetit të Uashingtonit përdorën minjtë dhe peshqit-zebër.
Në qelizat e gjalla, gjenet aktive transkriptohen nga makineria qelizore, duke krijuar një kopje të përkohshme të informacionit gjenetik në formën e ARN-së. Sa më shumë ARN gjendet në qarkullim, aq më aktiv është gjeni.
Gjatë eksperimentit, shkencëtarët gjetën 1 063 gjene aktive.
Në dy studime të publikuara online në lidhje me këtë temë gjatë muajit qershor, thuhet se shumica e gjeneve që “kapërcenin” vdekjen hynin në veprim 30 minuta pasi ngordhte kafsha. Por vetëm disa prej tyre vazhdonin të ishin aktive edhe pas 24-48 orësh.
