Franca do të dislokojë katër avionë ushtarakë patrullimi “Rafale” në vendet balltike, nga periudha shtator-dhjetor 2016, në kuadër të masave të marra nga NATO përballë kërcënimit të Rusisë, njoftoi sot Shtabi i Përgjithshëm i Ushtrisë Franceze.
“Më 31 gusht, ne do të angazhohemi për herë të gjashtë duke vënë në shërbim një mision ushtarak ajror në përputhje me misionin Baltic Air Policing”, deklaroi zëdhënësi i Shtabit të Përgjithshëm, koloneli Gilles Jaron.
“Franca, e cila tashmë ka mobilizuar avionë në vitin 2007, 2010, 2011, 2013 dhe 2015 (në Poloni këtë herë) është kombi i dytë që merr pjesë në këtë mision të policisë së ajrit, e renditur pas Gjermanisë”, sipas ushtrisë franceze.
