Pirja e lëngut të boronicës mund të ndihmojë në kurimin e infeksionit të traktit urinar tek femrat. Shkencëtarët që kanë arritur në këto përfundime kanë thënë se infeksioni i traktit urinar, është infeksioni më i zakonshëm bakterial tek femrat, ku 6 në 10 femra preken së paku një herë gjatë jetës së tyre.
Sipas shkencëtarëve, “antibiotikët që merren për kurimin e infeksionit, në masë të konsiderueshme, nuk këshillohen pasi bakteret krijojnë imunitet ndaj tyre”.
Studimi nga “Universiteti i Bostonit” në SHBA ka zgjedhur 373 gra që po përjetonin për të parën herë infeksion të traktit urinar dhe pas pirjes së lëngut të boronicës rreth 200 mililitër gjatë 24-javëve ka ulur me 40% nivelin e infeksionit.
Megjithatë, një shkrim i botuar në “Journal of Clinical Nutrition”, ka theksuar se pirja e lëngut të boronicës nuk duhet të përdoret vetëm kur femrat diagnostikohen me infeksion, por ajo duhet konsumuar gati çdo ditë.
“Shumica e femrave fillojnë të konsumojnë lëngun e boronicës pasi ata sapo janë diagnostikuar me UTI (infeksion i traktit urinar) dhe rezultatet gjithsesi kanë qënë mjaft optimiste”.
