Një 30 vjeçare nga Canterbyry, Kent ka zgjedhur një mënyrë origjinale për të udhëtuar anembanë botës dhe mbi të gjitha pa asnjë shpenzim. Natalie Wood ka rrëfyer për tabloidin britanik Mirror se ka gjetur zgjidhjen ideale për aventurat e saj dhe kjo falë websitit online Miss Travel.
Ajo ka udhëtuar totalisht falas në vende si Turqia, Abu Dhabi, Dubai, Maldive, Australi, Republika Çeke, Kuvajti dhe Miami. Por si ka mundësi kjo? Natalie ka shpjeguar se ka udhëtuar në shumë vende për të takuar njerës të panjohur, të cilët paguajnë gjithçka që përfshin udhëtimi për të. “Gjatë 2 viteve të fundit unë kam takuar rreth 80 persona nga e gjithë bota dhe të gjitha takimet kanë qenë të mahnitshme.
Mua më pëlqen të udhëtoj në vende të ndryshme të botës me makina luksoe, jahte e mot të nxehtë”, shprehet ajo. Shumica e njerëzve që ajo ka takuar janë të suksesshëm, por të lodhur nga udhëtimet vetëm, kështu që paguajnë për të udhëtuar me 30-vjeçaren.
Gjatë këtij muaji Natalie udhëtoi në Kuvajt ku u takua me një kontabilist ndërkombëtar dhe nuk shpenzoi asnjë qindarkë. Ndërkohë ajo aktualisht ndodhet në Miami, nga ku shpreson që të kontaktojë me sa më shumë njerëz në internet për të programuar takimet e ardhshme. Ndërsa javën e ardhshme ajo do të fluturojë për në Bahamas.
