Një 43-vjeçar është vënë në pranga nga Policia e Korçës pasi është kapur duke kaluar kufirin në mënyrë të paligjshme dhe duke trafikuar municione luftarake nga shteti grek drejt Shqipërisë.
Specialistët e Seksionit të Hetimit të Krimit, në Drejtorinë Vendore të Kufirit dhe Migracionit Korçë arrestuan në flagrancë shtetasin:
Gramoz Diko, 43 vjeç, banues në Yzberisht,Tiranë.
Diko u kap në flagrancë nga shërbimet e Patrullës së Stacionit të Policisë Kufitare -Shtikë, mbi fshatin Skorovodë të rrethit Kolonjë, duke transportuar një sasi prej 505 copë fishekë model 54, dhe një krehër pistolete bosh model 54, të cilat iu gjetën e sekuestruan në cilësinë e provës materiale, gjatë kontrollit të ushtruar në çantën personale të tij.
Materialet i kaluan Prokurorisë së Rrethit Gjyqësor Korçë për veprat penale: “Trafikimi i armëve dhe municionit” dhe “Kalimi i paligjshëm i kufirit shtetëror”.
