Paraqitja fantastike e Elseid Hysaj jo vetëm me Napolin por edhe me Kombëtaren shqiptare ka detyruar shumë klube të mëdha evropiane të kthejnë kokën nga mbrojtësi shqiptar.
Barcelona, Arsenali madje së fundmi edhe Bajerni i Mynihut janë të interesuar për të marrë shërbimet e Elseid Hysaj, shkruan ‘thehardtackle’, raporton Syri.net.
Pas largimit të Dani Alves blaugranët kanë rritur interesimin për Hysajn i cili shihet si zëvendësuesi ideal i brazilianit.
Mbrojtësi shqiptar ka zhvilluar një sezon mbreslënës pasi me Napolin ka luajtur 43 ndeshje si titullar, ndërsa me Kombnëtaren shqiptare ka qenë thjesh fantastik duke neutralizuar çdo kundërshtar në Kampionatin Euroipian.
Sipas një raporti të ‘Football Italia’, ‘LE10 Sport’, Arsenali ka rritur ofertën për Hysajn nga 15 në 19 milionë euro.
Sipas ‘LE10 Sport’ talenti 22-vjeçar po ‘çmend’ klubet më të mëdha europiane pasi për të ka shfaqur interes Atletico Madrid dhe Bajerni i Mynihut.
Duhet të presim fundin e Kampionatit Europian për të mëssuar të ardhmen e Elseid Hysajt.
