Makina, me targa “TR 0611 L” tip “Volkswagen Touareg” që i përket deputetit Ben Blkushi u aksidentua në aksin nacional Pogradec Qafë-Thanë. Mësohet se vet deputeti nuk ka qenë brenda në makinë në momentin e aksidentit.
Burime nga policia i thanë citynews.al se aksidenti ka ndodhur pranë fshatit Lin në Pogradec.
Dy personat që kanë qenë brenda makinës janë aksidentuar me një makinë tjetër. Nga aksidenti nuk ka pasur të lënduar në njerëz përveç dëmeve materiale.
Të njëjtat burime thanë se specialistët e sektorit të policisë rrugore kanë shkuar në vendngjarje dhe po kryejnë matjet për të zbardhur shkaqet e aksidentit.
