Mesazh një gruaje që kishte ndërruar jetë?! Ministri i Shëndetësisë ka filluar të flasë edhe me botën e përtejme me sa duket, pasi së fundmi i ka dërguar një mesazh në telefon një ish-pacienteje por që ishte ndarë nga jeta 2 muaj e gjysmë më parë.
“I/e nderuar S.., unë jam Ministri i Shëndetësisë, Ilir Beqaj. Në 02/03/2016 ju keni vizituar QSUT. Ju lutem përgjigjuni me sms falas në këtë numër duke vlerësuar cilësinë e shërbimit që morët. Ju faleminderit!”, ky është mesazhi që kreu i shëndetësisë i dërgon të ndjerës.
Ky mesazh ka irrituar djalin e të ndjerës, fotografin e njohur Felix Bilani, i cili ka postuar në internet mesazhin e ardhur në numrin e nënës, që tani e disponon ai vetë.
“Papërgjeshmëria e Ilir Beqës në këto lloj dacibaosh është e frikshme ……..e para Nëna ime ka 2 muaj e gjysmë që ka ndërruar jetë. Dhe këtu ku ka ardhur ky mesazh është numri im dhe unë quhem Felix Bilani. Me këtë gjë treguat thjesht që jeni bërë zyrë funerali dhe asgjë me tepër”, shkruan Bilani në Facebook, ku publikon edhe sms-të e shkëmbyera.
Ai i ka pyetur se ku e kanë marrë këtë numër, duke qenë se nëna e tij e ndjerë kishte qenë në momentet e fundit në këtë datë, ndërsa përgjigja që i vjen është “Faleminderit për përgjigjen tuaj!”.
Por fotografi i njohur nuk ndalet me kaq. Në postimin e tij në Facebook, ai numëron skandalet e njëpasnjëshme të ministrit të shëndetësisë dhe shëndetësisë dhe premton se që tani e tutje do të merret vetëm me QSUT-në dhe ministrin e Shëndetësisë.
Ja çfarë shkruan Felix Bilani në faqen e tij në facebook:
Papërgjegjshmëria e Ilir Beqës në këto lloj dacibaosh është e frikshme……..e para Nena ime ka 2 muaj e gjysmë që ka ndërruar jetë. Dhe këtu ku ardhur ky mesazh është numri im dhe unë quhem Felix Bilani. Me këtë gjë treguat thjesht që jeni bërë zyrë funerali dhe asgjë më tepër. Por meqë je çun trendy po të them nja dy gjera për shërbimin tënd…..1 urgjenca e Tiranës është 0 ndërsa mjeket janë asa…
- Një drejtoreshë që u thotë kirurgëve në mbledhje që edhe unë po të lexoj operoj tregon sa i përgjegjshëm je
- Në qendrën që ti e quan spitalore akoma përdoret analginë gjë që është e ndaluar në pothuajse të gjitha vendet e botës
- Ilaçet që ti tenderon janë të dhj** sepse nuk bëjnë asnjë efekt
- Veç termit Kabul QSUT nuk ka emër tjetër
- Mjekët paguajnë çdo ditë parkimin që ti ke dhënë me koncesion
- Në sallat e operacionit nuk ke as penj dhe as kapëse për të mbyllur plagët dhe kur ne i blejmë vetë histerizmi i njerëzve që ti ke vënë aty e quan korrupsion.
Tani nja dy fjalë të thjeshta… meqë një gafë e tillë për mua është skandal… tani nëse nuk e ke harruar, ti e di që unë kam një karrierë goxha të mirë në media edhe pse nuk punoj më në to. Por të premtoj që do kthehem dhe do merrem vetëm me QSUT dhe Ministrinë e shëndetësisë të premtoj.
Felix Bilani 22.06.2016
