Njëra nga anijet e zhdukura në Durrës është gjetur.
Kapiteneria e Portit të Durrësit ka njoftuar se anija ‘Qamili’ është lokalizuar pranë Shëngjinit. Raportohet se kjo anije ka pasur probleme me sinjalin e radios që në nisje. Një tjetër anije mbetet e humbur pa kontakte me Kapitenerinë që prej pasdites së djeshme. Burimet nga Porti i Durrësit bëjnë me dije se anijet me emrat
‘Çelepia’ dhe ‘Qamili’ janë të flotës së peshkimit të Durrësit. Ato kanë qenë me ekuipazh të plotë me nga 3¬4 persona brenda. Kapiteneria thotë se që prej pasdites së djeshme anijet nuk kanë pasur më asnjë komunikim me radio me autoritetet portuale. Teksa ka folur për mediat, Lulzim Mema, babai i Luan Memës, motorist i anijes “Celepia”, tha: “Kanë pesë ditë që anijet kanë dalë në det. I bëj thirrje shtetit të gjejë anijet, jemi të shqetësuar”.
