Shqipëria është krenare që po shfrytëzon “fëmijët e luftës”. De Biasi, pas një pune bindëse, ia ka dalë t’I bëjë pjesë të kombëtares shqiptare fëmijët e prindërve të dëbuar, ose të ikur nga lufta në Kosovë. Nga 23 lojtarët kuqezinj, që janë në “Euro 2016”, 14 prej tyre janë edukuar jashtë.
Trajneri italian i ka rekrutuar ato dhe po u merr më të mirën. Në fund të vitit 2011 u nënshkrua kontrata, që ndryshoi historinë e futbollit në Shqipëri. Presidenti i Federatës Shqiptare të Futbollit kap telefonin dhe kontakton italianin Gianni De Biasi, një teknik me programin mësimor të gjerë në klube të vogla në Itali dhe Spanjë, edhe në krye të Levantes, sezoni 2007-2008. Shqipëria ishte atëherë e 74-ta në renditjen e FIFA-s. Tani ka përparuar shumë, me modestinë teknike dhe lojën efektive mbrojtëse.
De Biasi ka kontribuar jo vetëm në urtësinë, por arriti të revolucionarizojë përzgjedhjen e modelit të lojtarëve. Së bashku me ndihmësit e tij kanë vizituar vendet, ku kanë mërguar shqiptarët, ose fëmijët e tyre, duke u përpjekur për t’i bindur ata që të luajnë me Shqipërinë. “Ne kemi bërë rreth 70 udhëtime nëpër europë. Kemi konstatuar dhe pastaj kontaktuar lojtarët, që kanë emra shqiptar”, – tha ai për “El Pais”.
Dhe “pelegrinazhi” ishte produktiv. Ata gjetën lojtarët me rrënjë shqiptare në disa vende, sidomos në Zvicër. Eksodi i viteve 1990 në Europë, gjatë luftës në Kosovës, e ka zgjeruar hartën e talenteve në ato vende që i hapën dyert për refugjatët. Zvicra është një “minierë” në këtë drejtim. Kështu, në kombëtaren e sotme shqiptare, që po bën histori në “Euro 2016”, janë 12 “zviceranë”, të rritura atje. Ka nga Maqedonia dhe Gjermania, gjithashtu. De Biasi, “Ranieri shqiptar”, trajneri që mori pasaportën shqiptare nga Presidenti, që këndon himnin kombëtar para lojërave, është arkitekti.
Ai dhe “bijtë e luftës”, dy dekada pas konfliktit, arritën suksesin historik për futbollin e këtij vendi të vogël ballkanik. Qeveria i ka shpërblyer tashmë me një milion euro për fitoren ndaj Rumanisë. Tani mungon më e rëndësishmja, kualifikimi në fazat me eliminim direct të Europianit, ku shqiptarët presin plot ankth se çdo të dalë nga vendet e treat më të mira në grupe, katër prej të cilave e vazhdojnë garën, ndërsa dy të tjera kthehen në shtëpi. Shkruan “as.com”
