Kroacia ka mposhtur Spanjën 2-1 për t’i rrëmbyer vendin e parë në grup.
Spanjollët e nisën me gol ndeshjen kundër Kroacisë. Ishte Alvaro Mroatas që mori një pasim të bukur nga Cesc Fabregas në zonë, dhe nga afër qëlloi portën.
Ky është goli i tretë i Moratas, që së bashku Balen udhëheqin listën e realizatorëve. Kroatët u përgjigjen shpejtë në minutën e 14-të, por jo më gol.
Ishte një goditje e bukur e Ivan Rakitic që u ndal në shtyllë dhe vetëm fati e shpëtoi Spanjën.
Në minutën e 23-të David Silva kishte rast të mirë, por Subasic u tregu i saktë.
Kur të gjithë prisnin që të pjesa e parë të mbyllet me epërsinë e spanjollëve në skenë doli Nicola Kalinic.
Sulmues i Firorentinës, pranoi një top nga Perisic dhe me mjaftë finesë e dërgoi në rrjetë për 1-1.
Në pjesën e dytë të dy skuadrat e kërkuan fitore. Në minutën e 54-të Alvaro Morata kishte rast të mirë, por nuk shënoi.
Rastin më të mirë për gol e kishin spanjollët dhe atë nga penalltia.
Sergio Ramos mori përsipër ta gjuaj, por Subasic priti gjuajtjen e tij.
Kjo u kthye në ters për spanjollët që pësuan gol në minutën e 86-të. Ishte Ivan Perisic që shënoi gol të bukur nga kundërsulmi.
Më këtë fitore Kroacia ngjitet në pozitën e parë me 7 pikë, ndërsa Spanja mbetet në pozitën e dytë me 6 pikë. /Telegrafi/
