“Imazhi i Shqipërisë ka ndryshuar pas paraqitjes që zhvilloi në Kampionatin Europian. Euro 2016 ndryshoi perceptimin për shqiptarët”. Kështu shprehet ambasadori francez në Tiranë, Bernard Fitoussi gjatë një aktiviteti në qytetin e Beratit.
Bernard Fitoussi ka vlerësuar paraqiten e kombëtares shqiptare të futbollit, por mbi të gjitha tifozerinë kuqezi për atmosferën që përcolli në rrugët e Marsejës, Lionit dhe të gjithë Francës në fazën e grupeve.
“Shqipëria ka një ekip shumë të mirë dhe tifozeri fantastike. Franca është e surprizuar nga tifozeria shqiptare. Të gjithë kanë parë tifozët shqiptar duke vallëzuar dhe kënduar në rrugët e Marsejës dhe gjithë Francës gjatë Europianit” deklaroi ai.
