Ish-ministri i Punës Spiro Ksera ka përfituar gjykim të shkurtuar dhe do të përfitojë uljen e dënimit me 1/3 nëse shpallet fajtor. Gjykata e Tiranës pranoi kërkesën e Kserës, i cili akuzohet për shpërdorim detyre.
Ksera në bashkëpunim me 4 vartës të tij në Ministri, i kanë shkaktuar shtetit 30 milionë Lekë dëm përmes falsifikimit të dokumenteve për realizimin e aktiviteteve fiktive të cilët i “faktonin” me foto-montazh duke bërë ndryshime në eventet e mëparshme.
Këto para u morën nga Buxheti i shtetit, por vetë Ksera i cili kërkoi lirinë në të gjitha shkallët e gjyqësorit mohoi akuzën duke e cilësuar atë si të motivuar politikisht pasi ai është përfaqësuses i minoritetit grek në vendin tonë.
