Shpesh, punëkërkuesi përballet me një intervistues shumë të “ashpër”, i cili i bën pyetjen më të vështirë sa i përket punës që ka aplikuar. Kurthi është: Pse e braktisët punën e mëparshme?!
Në këtë rast: Asnjëherë mos flisni keq për drejtuesit, punonjësit, si dhe klientët e kompanisë ku keni punuar.
Ky rregull është absolut dhe nuk ka përjashtime: asnjëherë mos u tregoni negativë.
Ekspertët e menaxhimit të karrierës dhe lidershipit pranë Forbes sugjerojnë shmangien e përdorimit të fjalëve të tilla si “mospërputhje karakteri”, “nuk arritëm të kuptoheshim”, apo të tjera fraza, të cilat lidhen me kompetencat, integritetin apo temperamentin tuaj. Kjo ju bën të dukeni “i dobët” përpara punëdhënësit të ri.
