Presidenti i FSH-së Armando Duka ruan në arkivin e telefonit të tij një skicë fillestare të kësaj shqiponje, realizuar nga Edi Rama dhe një shkëmbim në ‘whatsapp’ mes tij e kryeministrit, pasi ky i fundit e ka intriguar fillimisht gjatë një bisede të lirë për organizimin e kuqezinjve për Evropianin.
Më pas, studioja që ka dizenjuar uniformat e ka zhvilluar idenë, duke krijuar uniformën më të bukur që kombëtarja ka pasur ndonjëherë, shkruan Tema.
Pjesëmarrja e Shqipërisë në këtë Evropian, përveç kënaqësisë shumë të madhe që u ka dhënë të gjithë shqiptarëve kudo në botë, është komentuar se ka një efekt të madh edhe në ekonominë e vendit.
Rama e ka mbajtur sekret këtë fakt nga frika mos humbiste kombëtarja. Me sa duket fitorja me Rumaninë, e ka çliruar.
