Kanë rënë në prangat e uniformave blu të Durrësit dy hajdutë automjetesh. Bëhet me dije se në kuadër të operacionit të koduar “Egnatia”, janë arrestuar Artan Tabaku, 22 vjeç dhe G.H. 17 vjeç, të dy banues në Shijak. Këta persona akuzohen se kanë kryer një sërë vjedhjesh automjetesh.
Efektivat e Komisariatit të Policisë Durrës në vijim të hetimeve kanë bërë të mundur zbardhjen dhe dokumentimin e 10 ngjarjeve, ku shtetasit e mësipërm në bashkëpunim me njëri – tjetrin dyshohen si autorë të tyre.
JA VJEDHJET
1.Më datë 16.04.2016, në lagjen Nr.13, Durrës kanë vjedhur pasqyrat anësore të mjetit tip Benz, në pronësi të shtetasit A.I. 39 vjeç, banues në Prizren.
2.Më datë 20.04.2016, në lagjen Nr.3, Durrës kanë thyer xhamin e trekëndëshit të derës së pasme dhe kanë vjedhur dy pasqyra të mjetit tip Benz, në pronësi të shtetasit I.B. 27 vjeç, banues në Durrës.
3.Më datë 30.04.2016, në lagjen Nr.13, Durrës kanë thyer xhamin dhe i kanë marrë kasetofonin mjetit tip Benz, në pronësi të shtetasit B.B. 22 vjeç, banues në Durrës.
4.Më datë 06.05.2016, në lagjen Nr.9, Durrës kanë tentuar të vjedhin kasetofonin në mjetin tip Opel Astra, në pronësi të shtetasit B.A 32 vjeç, banues në Durrës.
5.Më datë 19.05.2016, në lagjen Nr.4 kanë vjedhur sensorët e mjetit tip Benz, në pronësi të A.L. 30 vjeç, banues në Durrës.
6. Më datë 20.05.2016, në lagjen Nr.13 kanë vjedhur shiritin e sensorëve të mjetit tip Benz, në pronësi të shtetasit E.I. 29 vjeç, banues në Durrës.
7.Më datë 22.05.2016, në lagjen Nr.2, Durrës kanë thyer xhamin dhe i kanë vjedhur kasetofonin mjetit tip Renault, në pronësi të shtetasit A.Q. 28 vjeç, banues në Durrës.
8.Më datë 24.05.2016, në lagjen Nr.3, Durrës kanë vjedhur dy sensorë të mjetit tip Benz, në pronësi të shtetasit F.V. 23 vjeç, banues në Durrës.
9.Më datë 30.05.2016, nëlagjen Nr.3, Durrës kanë vjedhur kasetofonin dhe navigatorin në mjetin tip Benz, në pronësi të shtetasit G.B. 46 vjeç, banues në Tiranë.
10.Më datë 14.06.2016, në lagjen Nr.6, Durrës kanë vjedhur dy pasqyrat e mjetit tip Benz, në pronësi të shtetasit D.Sh. 38 vjeç, banues në Durrës.
