Argjentina ka fituar sot në mëngjes 4-1 ndaj Venezuelës dhe është kualifikuar për në gjysmëfinalet e “Copa Amerika”, ku do të përballet me Amerikën, ditën e martë në Hjuston.
Një paraqitje e shkëlqyer e skuadrës amerikano-latine, që nuk e vuri për asnjë moment në dyshim fitoren e ku protagonist ishte Gonzalo Higuain, me një dygolësh në pjesën e parë (minutat 8 dhe 28). Më pas, një gol i Messit çoi në 3-0 shifrat në pjesën e dytë (minuta 60), duke vulosur fitoren dhe kualifikimin e Argjentinës.
Për statistikë golat e Rondon për Venezuelën (minuta 70) dhe Lamela një minutë më pas, në një ndeshje ku Argjentina vallëzoi në fushë. Nga ndeshja Argjentine-Venezuele Messi duket se e ka kaluar totalisht dëmtimin para fillimit të këtij turneu, ku dhe mungoi në debutim. Bashkë me Higuain ai bëri diferencën në fushë dhe Argjentina tani është favoritja kryesore për fitimin e “Copa Amerika”. Një trofe që mungon që prej vitit 1993.
Përballë Argjentinës në gjysmëfinale është Amerika, që luan në fushën e saj dhe do të tentojë surprizën. Në gjysmëfinalen tjetër dop të përballen Kolumbia dhe Kili, me këtë të fundit që mbrëmë mposhti thellë 7-0 Meksikën. Protagonisht i fitores së Kilit ishte Eduardo Vargas, që realizoi 4 gola, një mbrëmje magjike për të, ndërsa dy gola u realizuan nga Puch dhe një nga Alexis Sanchez.
