Çmimi i madh i Europës në Formula 1 u fitua nga gjermani Nico Rosberg. Kjo fitore erdhi edhe pas triumfit në provat e lira me “Mercedes”, çka i siguroi nisjen nga “pole position” duke ruajtur vendin e parë.
Shoku i tij i skuadrës, Kampioni në fuqi në Formula 1, Lewis Hamilton edhe pse u nis nga vendi i 10, pas një incidenti gjatë provave të lira, arriti që të fitonte 5 vende duke i mbyllur garën i pesti.
Një garë e mirë ka qenë edhe për makinat e Ferrarit, Vettel arriti të fitonte një vend, duke përfunduar garën i dyti, ndërsa shoku i tij i skuadrës, Kimi Raikkonen nuk ka mundur dot të ngjitet në podium duke e mbyllur garën po në vendin e katërt.
Surpriza e kësaj gare ka qenë Sergio Perez i “Force India”, i cili edhe pse u nis i shtati arriti të fitonte 4 pozicione duke u ngjitur në podium si treti më i shpejti në garën e zhvilluar në Baku.
