I hiqet kurora, sepse “nuk promovon një model pozitiv”. Këto janë arsyet që kanë detyruar organizatorët t’i heqin kurorën Miss Britanisë së Madhe, biondes Zara Holland. Faji i saj? Ka bërë seks me një konkurrent gjatë “reality show”-t, “Love Island”, ku ishte pjesëmarrëse.
Seksi dhe premtuese, Zara është zgjedhur Miss në shtator në Leister. Të enjten e shkuar, organizatorët e konkursit të bukurisë, kanë vendosur të mos ia dorëzojnë kurorën pas “performancës” së saj pikante në televizor.
20-vjeçarja është kapur nga pasioni në shtrat me një konkurrent të ri të sapo ardhur në “Love Island”, Alex Bowen.
“Jemi të ndërgjegjshëm se të gjithë bëjnë gabime, por Zara, e cila është edhe ambasadore si Miss Britania e Madhe, kishte përgjegjësi në rolin e saj”, – kanë thënë organizatorët. Zara ka deklaruar menjëherë se ndjen keqardhje që nuk i rezistoi dot një nate pasioni, e cila i kushtoi kurorën.
“E dini si është kur gjendesh atje, në shtrat… nuk është një sjellje që më përket; pse nuk shkuam thjesht të flemë…?”, – ka komentuar vajza, e cila në “Twitter” ka marrë shumë ‘tweet’ inkurajuese.
