BMW është duke udhëtuar nëpër botë me një përzgjedhje të veturave koncept të cilat përfaqësojnë vizionin e kompanisë për 100 vjetët e ardhshme të zhvillimit automobil.
Koncepti “Vision Next 100” i BMW është një veturë që ishte zyrtarizuar në mars, por që gjatë kësaj jave është shfaqur në London, që njerëzit ta shohin atë nga afër.
Vetura duket me të vërtetë mahnitëse, si një version i super-veturave të sotme por me një teknologji shumë më të avancuar.
Vetura ka një formë interesante, që nuk është parë në veturat e tjera koncept, dhe madje mund t’i akomodojë katër persona.
Adrian van Hooydonk, kreu i BMW Group Design, duke folur për konceptin në Londër, tha se “nëse jeni në gjendje të imagjinoni diçka, atëherë ka shumë shanse që një ditë ajo të bëhet realitet”.
Sipas tij, qëllimi i BMW është që të krijojë koncepte veturash me të cilët njerëzit mund të bashkëveprojnë – dhe kompania beson se eksperienca e vozitjes duhet të kompletohet me një dizajn të mirë.
Se si duket nga jashtë dhe brenda kjo veturë, mund ta shihni videon më poshtë:
