Një burrë është kthyer në hero nga qytetarët amerikanë për gjestin që bëri duke u hedhur në një lumë për të shpëtuar një grua, që kishte mbetur e bllokuar në veturën e saj që po fundosej.
Jason Moss ishte në palestër, kur dëgjoi një burrë duke bërtitur në parking, “thirreni emergjencën ose policinë”.
Dhe kur e dëgjoi burrin duke thënë se një grua është duke u mbytur së bashku me veturën e saj në lumin Passaic në New Jersey, 30-vjeçari vrapoi për në vendin e ngjarjes dhe pa u menduar dy herë kërceu në ujë dhe notoi drejt veturës që po fundosej.
Dëshmitarët e këtij rasti tmerrues, kanë deklaruar për mediat lokale se si ky burrë është futur në ujë dhe me gjithë forcë është munduar ta nxjerrë nga vetura gruan që kishte ngecur brenda.
“Ishte momenti më i frikshëm i jetës time. Po të mos e nxirrja nga vetura ajo sigurisht se tash do të ishte e vdekur”, ka deklaruar Moss.
