Ministri i Drejtësisë, Ylli Manjani deklaroi sot se i është drejtuar me letër porosi autoriteteve lidhur me nevojën e hetimeve për zbardhjen e skandalit të përgjimeve deri në fund.
“Kam dërguar letër porosi për pajisjen dhe nxis organet e drejtësisë që të japin përgjigje. Opinioni ka nevojë për disa të vërteta dhe më mirë se organet e drejtësisë nuk ka kush të japë përgjigje” -tha ai.
Pyetur nga media se ai është një nga personat e përgjuar dhe a është marrë në pyetje nga Prokuroria, ai u përgjigj: “Unë jam njeri i hapur, ju e dini. Nuk kam sekrete në jetën time. Doni t’ju them nëse kam dashnore apo jo, kjo është një histori tjetër”.
