Kapet me 3 kg drogë, arrestohet shkodrani

Policia e Shkodrës ka arrestuar një 27 vjeçar dhe i ka sekuestruar një sasi prej rreth 3 kg drogë e llojit kanabis.

Policia lokale konfirmoi se ka arrestuar shtetasin Albert Marku, banues në fshatin Brucaj.
Ky shtetas u arrestua gjatë ditës së djeshme, pasi lënda narkotike u gjet në automjetin e tij tip furgon në fshat Hot i Ri.
“Gjatë kontrollit të ushtruar në mjetin furgon, tip që drejtohej nga vetë ai, i’u gjet dhe sekuestrua në cilësinë e provës materiale 2 (dy) kg e 863 (tetëqind e gjashtëdhjetë e tre) gr lëndë narkotike e dyshuar kanabis sativa”, sqaron policia lokale.
Materialet i kaluan Prokurorisë për hetime të mëtejshme.