Një femër ka mbetur e plagosur pas një breshërie me automatik në Kamëz. Ngjarja sipas policisë ka ndodhur rreth orës 21:55 pranë një marketi.
Mësohet se autori ka qëlluar pasi ka tentuar të grabisë marketin por ka plagosur shitësen me iniciale I.D., 19 vjeçe. Ajo është dërguar në spital ku është jashtë rrezikut.
Në vendngjarje kanë shkuar shërbimet e Komisariatit të Policisë Nr.5 dhe shërbimet “Shqiponja” dhe po ndjekin veprimet hetimore. Policia është vënë në ndjekje të autorit.
